د بامیان پوهنتون د علمي شورا نوبتي ناسته ترسره شوه!
نن یکشنبه د ۱۴۴۶هـ ق کال د ذوالحجې میاشتې ۲۵مه نېټه
د بامیان پوهنتون علمي شورا نوبتي غونډه د پوهنتون د عمومي رئیس الحاج مفتی حضرت محمد برهاني د پوهنتون مرستیالانو او علمي شورا غړو په ګډون ترسره شوه.
په دې غونډه کې مهمو علمي او اداري مسایلو ته کتنه وشوه.
د غونډې اصلي موضوعات د روان سمستر د ازموینو لپاره چمتووالی، تضمین کیفیت دریم پړاو او علمي ترفیعاتو دوسیو ارزونه وه.
همدارنګه په پوهنتون کې د نظم تأمین او د اصولو په رعایت هم ټینګار وشو.
د پوهنتون مشرتابه د تعلیمي کیفیت د لوړوالي او د سالم علمي چاپېریال د رامنځته کولو لپاره پر نه ستړي کېدونکو هڅو ټینګار وکړ.
بامیان پوهنتون
نشراتو عمومي مدیریت