د ټولنیزو علومو پوهنځي پېژندنه
سریزه
د بامیان ولایت د بېساري ټولنیز، تاریخي او فرهنګي ارزښتونو ته په کتو، د لوړو زده کړو وزارت د محترم مقام د پریکړې او د بامیان پوهنتون د غوښتنې پر بنسټ، د لوړو زده کړو وزارت په چوکاټ کې د یو خپلواک پوهنځي (د ټولنیزو علومو پوهنځي) د جوړېدو طرحه د حکم شمېر ۳۳۲۵/۴۲۴۷ نېټه ۱۳۸۸/۱۲/۱ او د مکتوب شمېر ۱۰۴۲/۱۳۷۲ نېټه ۱۳۸۸/۱۲/۳ د دیني او تقنيني علومو د دیپارتمنت د ریاست لهخوا منظور شوه.
د ټولنیزو علومو پوهنځی د بامیان پوهنتون په اکاډمیک او تعلیمي جوړښت کې یو له بنسټیزو او اغېزمنو برخو څخه دی، چې موخه یې د ټولنیزو علومو په بېلابېلو برخو کې د متخصصو او ژمنو کدرونو روزنه ده. دا پوهنځی په رسمي ډول د ۱۳۸۹ لمریز کال راهیسې د تاریخ او ټولنپوهې دیپارتمنتونو سره فعالیت پیل کړی، او وروسته یې د فلسفې، ګرځندوی (توریزم) او لرغونپوهنې دیپارتمنتونه هم تأسیس کړي، چې د هیواد په کچه یې د علمي او څېړنیزو پرمختګونو لپاره مهم رول لوبولی.
دا پوهنځی د عصري تعلیمي پروګرامونو، تجربهلروونکو استادانو او علمي-څېړنیزو همکاریو له لارې هڅه کوي چې د استعداد لرونکو ځوانانو لپاره د علمي او فرهنګي پرمختګ زمینه برابره کړي او د نوو څېړنیزو میتودونو په کارولو سره د ټولنې او کاربازار اړتیاوو ته ځواب ووايي. دغه پوهنځی د اسلامي ارزښتونو، فرهنګي هویت او ټولنیز پرمختګ په بهیر کې د فعالې ونډې اخیستو له امله د لوړو زده کړو او ټولنیزو تحقیقاتو په برخه کې مخکښ نهاد ګڼل کېږي.
د تأسیس له پیل راهیسې، دا پوهنځی د تاریخ، ټولنپوهنې، فلسفې، لرغونپوهنې او ګرځندوی له برخو څخه سلګونه مسلکي کدرونه د لیسانس په کچه فارغ کړي دي.
علمي او تعلیمي لاسته راوړنې
د پیل راهیسې تر ۱۴۰۴ هـ ش پورې، دغه پوهنځی توانېدلی چې ۲۳۲۸ تنه محصلین (۱۷۸۵ نارینه او ۵۴۳ ښځینه) د لیسانس په کچه فارغ کړي او د افغانستان علمي ټولنې ته یې وړاندې کړي. د دیپارتمنتونو درسي برنامې تخصصي، مسلکي او عمومي مضامین لري لکه: د افغانستان معاصر تاریخ، اسلامي ثقافت، انګلیسي ژبه، چاپېریال، او نور پوهنتونشمول مضامین.
اداري جوړښت او داخلي تشکیلات
د ټولنیزو علومو پوهنځي تر ټولو لوړ تصمیم نیوونکی ارګان، علمي شورا او د استادانو عمومي ناسته ده. سربېره پر دې، لاندې فعالې کمېټې هم فعالیت لري:
- د دعوت او ارشاد کمېټه
- د کیفیت تضمین کمېټه
- د نظم، انضباط او شکایتونو اورېدنې کمېټه
- د نصاب تحصیلي کمېټه
- د امتحاناتو کمېټه
- د تحقیقاتو کمېټه
- د ستراتیژیک پلان کمېټه
- د فرهنګي چارو او سیمینارونو د تدویر کمېټه
- د محصلینو علمي انجمن
د استادانو د علمي ظرفیت لوړونه
د تأسیس راهیسې، د استادانو د ظرفیت لوړولو بېلابېل پروګرامونه ترسره شوي دي. له ۲۰ تنو استادانو څخه:
- ۲ تنه د هند او ترکیې په هېوادونو کې د دوکتورا دوره بشپړه کړې؛
- ۱۲ تنه په هند، چین، ایران او ترکیه کې د ماسټري دوره پای ته رسولې؛
- ۲ تنه دا مهال په ایران او افغانستان کې د ماسټري په زدهکړو بوخت دي؛
- ۴ تنه نور د ماسټري لپاره د بهرنیو بورسونو ته د لېږلو په پروسه کې شامل دي.
دغه هڅې د لوړ کیفیت لرونکو لوړو زده کړو لپاره دوام لري.
د انساني منابعو او محصلینو اوسنی وضعیت
د ۱۴۰۴ لمریز کال د تشکیلاتو پر بنسټ، دا پوهنځی لاندې تشکیل لري:
- ۲۰ تنه استادان
- ۱ تدریسي مدیر
- ۱ اجرائیوي مدیر
- ۳ تنه خدماتي کارکوونکي
- ۴۱۶ تنه محصلین
ننګونې او اړتیاوې
سره له دې چې دا پوهنځی په بامیان پوهنتون کې مهم ځای لري، تر اوسه:
- خپلواکه کتابتون
- د کنفرانسونو سالون
- د کمپیوټر مرکز
ندارد، چې دا مسئله علمي او تعلیمي فعالیتونه له جدي ستونزو سره مخ کوي. هڅې روانې دي چې د کورنیو او بهرنیو منابعو له لارې دا کمښتونه جبران شي.
د رهبري او اداري کدر لېست
- پوهندوی ډاکتر محمد ملا فروتن سالنگی – د ټولنیزو علومو پوهنځي رئیس
- پوهنوال شیرعلي صمیمي – د پوهنځي مرستیال
- پوهندوی محمد رضا اکبري – د ټولنپوهې دیپارتمنت آمر
- پوهنمل محمد جواد نظری – د تاریخ دیپارتمنت آمر
- پوهنمل عبدالصمد حکمت – د فلسفې دیپارتمنت آمر
- نامزد پوهنیار عطاالله کریمي – د لرغونپوهنې دیپارتمنت آمر
- نامزد پوهنیار سید عبدل سجادي – د ګرځندوی دیپارتمنت آمر
- آفتابالدین تسکین – تدریسي مدیر
- علي جمعه همدرد – اجرائیوي مدیر
|
د ټولنیزو علومو پوهنځي د استادانو احصائیوي جدول د تحصیلي درجې او علمي رتبې له مخې |
||||||||
|
تحصیلي درجه |
علمي رتبه |
|||||||
|
داکتر |
ماستر |
لیسانس |
پوهاند |
پوهنوال |
پوهندوی |
پوهنمل |
پوهنیار |
نوماند پوهنیار |
|
۲ |
۱۲ |
۶ |
۰ |
۱ |
۳ |
۷ |
۳ |
۶ |
لنډمهاله او اوږدمهاله پروګرامونه
الف – لنډمهاله پروګرامونه:
۱. د ټولنیزو علومو اړوند موضوعاتو په اړه د علمي سیمینارونو او کنفرانسونو جوړول.
۲. د مختلفو برخو په اړه د لنډمهاله روزنیزو دورو تنظیم، لکه:
- د ټولنیزو علومو د څېړنې میتودونه
- د پرمختګ تیورۍ
- د پروپوزل لیکلو مهارتونه
- په څېړنه او تدریس کې د ټکنالوژۍ کارونه
- د تدریس نوې میتودونه
۳. له عامه رسنیو (رادیو، تلویزیون) سره همکاري، د علمي میزګردونو او ټولنیزو، سیاسي، فرهنګي او تاریخي پروګرامونو د جوړولو لپاره.
۴. له علمي ـ تحقیقي مرکزونو سره همکاري، د تعلیمي، څېړنیزو، پلان جوړونې، پالیسي جوړونې پروژو په اجرا کې، او د علمي مشورو وړاندې کول.
۵. له دولتي او خصوصي ادارو سره همکاري، د فرهنګي پروژو، د زغم فرهنګ ترویج، د فرهنګي میراث ساتنې او ټولنیزو زدهکړو د پراختیا لپاره.
۶. د محصلینو ستونزو ارزونه او د هغوی د تحصیلي او رواني ننګونو د حل لپاره هڅې.
۷. د پوهنځي د تعلیمي او جوړښتي پروګرامونو کمیتي او کیفیتي ارزونه، د کیفیت د دوامدارې ودې په موخه.
ب – اوږدمهاله پروګرامونه:
۱. د استادانو علمي ظرفیت لوړول، د څېړنیزو فرصتونو او د ماسټري او دوکتورا درجې زدهکړو د زمینې برابرولو له لارې.
۲. د همدې پوهنځي په چوکاټ کې د ټولنیزو علومو په مختلفو برخو کې د ماسټري او دوکتورا برنامو رامنځته کولو لپاره هڅې.
۳. د نویو دیپارتمنتونو جوړول، لکه:
- د انسان پېژندنې (مردمشناسي) دیپارتمنت
- د سیاسي علومو دیپارتمنت
- د معاصر تاریخ دیپارتمنت
- د ټولنیزو چارو دیپارتمنت
۴. د یو خپلواک او عصري کتابتون تجهیزول، چې د ډیجیټلي کتابدارۍ سیستم، کمپیوټري پلټنې، د منابعو امانت ورکولو او د غړیتوب کارت صادروونکي امکانات ولري.
۵. د پوهنځي د معلوماتي ټکنالوژۍ (IT) مرکز تجهیز، چې د علمي اړتیاوو د پوره کولو وړتیا ولري او له نړیوالو پوهنتونونو او څېړنیزو مؤسسو سره د اړیکو زمینه برابره کړي.
۶. له سیمهییزو او نړیوالو پوهنتونونو او علمي مرکزونو سره د علمي اړیکو ټینګول، د تجربو د تبادلې، د استادانو او محصلانو د لېږد او لوړو زده کړو ته د لاسرسي په موخه.
۷. د "د ټولنیزو علومو افق" تر عنوان لاندې د یوې علمي فصلنامې بنسټ ایښودل، د استادانو، محصلینو او څېړونکو علمي مقالې او تحقیقي موندنې د نشر لپاره.
د پوهنځي د رئیس پېژندنه
پوهندوی ډاکتر محمدملا سالنگی د هېواد له نومیالیو او مخکښو علمي شخصیتونو څخه دی، چې له شل کالو څخه ډېر یې د تدریس، څېړنې او علمي مدیریت په برخو کې فعاله او اغېزمنه ونډه لرلې ده. نوموړی په کال ۱۳۵۷ هـ.ش د پروان ولایت د سالنگ ولسوالۍ په آغیلخان کلي کې زیږېدلی، او د ابتدایی زدهکړو تر بشپړولو وروسته، په کال ۱۳۸۲ کې د کابل له محمدعلم فیضزاد لیسې څخه فارغ شو.
ډاکتر سالنگي په ۱۳۸۵ هـ.ش کال کې د کابل د تعلیم او تربیې پوهنتون د تاریخ دیپارتمنت څخه د لوړ امتیاز سره فارغ شو، او په ۱۳۸۶ کال کې د بامیان پوهنتون د استاد په توګه مقرر شو. هغه په پرلپسې ډول د پوهنیار، پوهنمل او بالاخره د پوهندوی علمي رتبو ته ارتقاء ومونده.
په کال ۱۳۹۱ کې یې د هندوستان د ډیلي پوهنتون د تاریخ دیپارتمنت کې د ماستري دوره د تحصیلي بورس په اخیستو سره پیل کړه او دا دوره یې په کال ۱۳۹۴ کې بریالۍ بشپړه کړه. له هغې وروسته یې بېرته د بامیان پوهنتون کې خپلې علمي چارې بیا پیل کړې. په ۱۳۹۶ کال کې د ټولنیزو علومو پوهنځي د رئیس په توګه وټاکل شو او تر ۱۳۹۹ کال پورې یې په دې دنده کې خدمت وکړ.
په ۱۳۹۹ هـ.ش کال کې یې د هندوستان د لکنهو پوهنتون (په اوتراپردیش ایالت کې) د دکتورا بورس وګاټه، او هلته یې د دوکتورا دوره په بریالیتوب سره بشپړه کړه. د نوموړي د دکتورا رساله تر "د افغانستان د کورنیو جګړو د بهرنیو عواملو تاریخي څېړنه (۱۳۶۸–۱۳۸۰)" لاندې سرلیک درلوده. له بېرته راتګ وروسته، په کال ۱۴۰۳ کې یو ځل بیا د بامیان پوهنتون د ټولنیزو علومو پوهنځي د رئیس په توګه وګمارل شو او تر اوسه په همدې دنده کې بوخت دی.
له ده څخه پاتې علمي آثارو کې، دوه تحقیقي رسالې، ۱۲ علمي مقالې چې په نړیوالو ژورنالونو کې خپرې شوې دي، او ۱۰ مقالې چې په ملي ژورنالونو کې چاپ شوې، یادولی شو. همداراز، ډاکتر سالنگي د تاریخ او نړیوالو اړیکو په برخه کې له لسو زیات کورني او بهرني علمي کنفرانسونو کې فعاله ګډون کړی دی.
ډاکتر محمدملا سالنگی د خپلې علمي تخصص، ژمنتیا او پراخ علمي تجربې له امله، د افغانستان د لوړو زده کړو په نظام کې یوه مهمه او اغېزمنه څېره بلل کېږي.
د دیپارتمنتونو پېژندنه
د ټولنیزو علومو پوهنځی پنځه فعال دیپارتمنتونه لري، چې په لاندې توګه لنډ معرفي کېږي:
۱. د تاریخ دیپارتمنت
د تاریخ دیپارتمنت په لومړي ځل د لوړو زده کړو وزارت د ۸۶۱ شمېر حکم، د ۱۳۸۵/۱۱/۲۸ نېټې له مخې، د بامیان پوهنتون د تعلیم او تربیې پوهنځي په چوکاټ کې تأسیس شو. وروسته له هغه چې په ۱۳۸۹ هـ ش کال کې د ټولنیزو علومو پوهنځی رامنځته شو، یاد دیپارتمنت نوي جوړښت ته انتقال شو او له هماغه وخته تر ننه پورې، خپل علمي، تعلیمي او څېړنیز فعالیتونه په جدیت سره دوام ورکړی دی.
یاد دیپارتمنت له کال ۱۳۸۶ راهیسې رسماً خپل فعالیت پیل کړی او د ځوان نسل د علمي ظرفیت د لوړولو په موخه، سره له بېلابېلو ننګونو او محدودیتونو، تل هڅه کړې ده. له کال ۱۳۹۰ وروسته، د ټولنیزو علومو پوهنځي په چوکاټ کې فعالیت کوي، او تر دې دمه یې سلګونه لیسانس فارغین چې مسلکي مهارتونه لري، د افغانستان علمي ټولنې ته وړاندې کړي دي.
دا مهال د تاریخ دیپارتمنت پنځه تنه کادري غړي لري، چې د دوکتورا، ماسټري او لیسانس تحصیلي اسناد لري او علمي رتبې یې عبارت دي له: پوهنوال، پوهندوی، پوهنمل او نوماند پوهنیار. د یاد دیپارتمنت کادري غړي ژمن دي، چې د لوړو زده کړو وزارت ستراتیژیک اهداف د ملي کچې په سطحه پلي کړي او علمي فعالیتونه د بامیان ولایت له محلي، ټولنیزو او فرهنګي اړتیاوو سره همغږي کړي.
|
د تاریخ دیپارتمنت د استادانو لړلیک د تحصیلي درجې، علمي رتبې او دنده په ویش سره |
||||
|
شمېره |
نوم او تخلص |
د تحصیل درجه |
علمي رتبه |
دنده |
|
۱ |
محمدملا سالنگي |
دوکتور |
پوهندوی |
د پوهنځي رئیس |
|
۲ |
شیرعلي صمیمي |
ماسټری |
پوهنوال |
د پوهنځي معاون |
|
۳ |
محمد جواد نظری |
ماسټری |
پوهنمل |
د دیپارتمنت آمر |
|
۴ |
محمد بشیر الهام |
ماسټری |
پوهنمل |
استاد |
|
۵ |
سید حسین کاظمي |
لیسانس |
نوماند پوهنیار |
استاد |
۲. د ټولنپوهنې دیپارتمنت
د ټولنپوهنې (جامعهشناسي) دیپارتمنت د لوړو زده کړو وزارت د مقام د ۳۴۵۲/۳۴۸۸ شمېر حکم، د ۱۳۸۵/۱۱/۱۵ نېټې له مخې، د بامیان پوهنتون د تعلیم او تربیې پوهنځي په چوکاټ کې تأسیس شو. کله چې په ۱۳۸۹ هـ ش کال کې د ټولنیزو علومو پوهنځی جوړ شو، دا دیپارتمنت هم نوي جوړښت ته انتقال شو او له هغه وخت راهیسې تر ننه پورې، خپل علمي او تعلیمي فعالیتونه په دوامداره توګه پرمخ وړي.
دا مهال یاد دیپارتمنت پنځه تنه کادري غړي لري، چې د دوکتورا او ماسټري تحصیلي اسناد لري، او علمي رتبې یې عبارت دي له: پوهندوی، پوهنمل او پوهنیار. د دیپارتمنت استادان د ټولنیزو علومو د متخصصو کادرونو د روزنې لپاره، نظري تدریس او میداني فعالیتونه هممهاله ترسره کوي.
د ټولنپوهنې دیپارتمنت درسي نصاب د بازار کار اړتیاوو او د ټولنې د وضعیت مطابق طرحه شوی، څو د تحلیلي او تحقیقي لید له لارې د ټولنیزو پېښو ژوره ارزونه او تحلیل تر سره کړي. د دې دیپارتمنت کادري غړي ژمن دي چې د لوړو زده کړو د پراختیا ملي او نړیوال ستراتیژیک پروګرامونه پلي کړي او خپلې ټولې تعلیمي او علمي هڅې د محلي شرایطو، اړتیاوو او لومړیتوبونو په نظر کې نیولو سره تنظیم کړي.
|
د ټولنپوهنې دیپارتمنت د استادانو لړلیک د تحصیلي درجې، علمي رتبې او دندې په ویش سره
|
|||||
|
شمیره |
نوم او تخلص |
د تحصیل درجه |
علمی رتبه |
دنده |
|
|
۱ |
رمضان احمدی |
دکتور |
پوهندوی |
استاد |
|
|
۲ |
محمدرضا اکبری |
ماستر |
پوهندوی |
د دیپارتمنت آمر |
|
|
۳ |
محمد تقی تقدسی |
ماستر |
پوهنمل |
استاد |
|
|
۴ |
حسن رضا پرهام |
ماستر |
پوهنیار |
استاد |
|
|
۵ |
حکیم جویا |
ماستر |
پوهنیار |
استاد |
|
۳. د سیاحت (توریزم) دیپارتمنت
د سیاحت یا توریزم د صنعت ټولنیز، فرهنګي او په ځانګړي ډول اقتصادي اهمیت ته په کتو، د توریزم دیپارتمنت د دې لپاره تأسیس شوی چې وړ او مؤثر ملي کادرونه وروزي. دا دیپارتمنت د لوړو زده کړو وزارت د ۳۳۲۵/۴۲۴۷ شمېر حکم، د ۱۳۸۸/۱۲/۱ نېټې له مخې، د بامیان پوهنتون د ټولنیزو علومو پوهنځي په چوکاټ کې رامنځته شوی دی.
اوسمهال، یاد دیپارتمنت څلور تنه کادري غړي لري، چې د ماسټري او لیسانس تحصیلي سندونه لري، او د علمي رتبې له مخې پوهنیار او نوماند پوهنیار دي. د دیپارتمنت کادري غړي ژمن دي چې د لوړو زده کړو د پراختیا ملي او نړیوال ستراتیژیک پروګرامونه پلي کړي، او خپلې علمي او تعلیمي چارې د بامیان ولایت له ځانګړتیاوو او اړتیاوو سره سم تنظیم کړي.
|
د توریزم دیپارتمنت د استادانو لړلیک د تحصیلي درجې، علمي رتبې او دندې په ویش سره |
||||
|
شمیره |
نوم او تخلص |
د تحصیل درجه |
علمی رتبه |
دنده |
|
۱ |
محمدعلی امینی |
ماستر |
پوهنیار |
استاد |
|
۲ |
سید عبدل سجادی |
لیسانس |
نامزدپوهنیار |
آمردیپارتمنت |
|
۳ |
ابراهیم عسکری |
لیسانس |
نامزد پوهنیار |
استاد |
|
۴ |
علی رضا طاهری |
لیسانس |
نامزدپوهنیار |
استاد |
۴. د لرغونپوهنې (باستانشناسي) دیپارتمنت
د لرغونپوهنې دیپارتمنت په ۱۳۹۰ هـ ش کال کې، د بامیان پوهنتون د ټولنیزو علومو پوهنځي په چوکاټ کې، د ارزښتناکو تاریخي او باستاني آثارو ـ په ځانګړې توګه هغو آثارو چې د یونسکو لهخوا ثبت شوي دي ـ له امله خپل فعالیتونه پیل کړل. یاد دیپارتمنت دا مهال څلور تنه کادري غړي لري، چې د لیسانس تحصیلي سندونه لري او د علمي رتبې له مخې پوهنیار او نوماند پوهنیار دي.
د دیپارتمنت کادري غړي ژمن دي چې د لوړو زده کړو د پراختیا ملي او نړیوال ستراتیژیک پلانونه تطبیق کړي، او خپلې علمي او تدریسي چارې د سیمې له ځانګړتیاوو او اړتیاوو سره سم تنظیم کړي. د لرغونپوهنې دیپارتمنت علمي او تحصیلي وده د هېواد د لوړو زده کړو وزارت د ستراتیژیکو ارزښتونو، معیارونو او لومړیتوبونو پر بنسټ ارزول کېږي او رهبري کېږي.
|
د لرغونپوهنې دیپارتمنت د استادانو لړلیک د تحصیلي درجې، علمي رتبې او دندې په ویش سره |
||||
|
شمیره |
نوم او تخلص |
د تحصیل درجه |
علمی رتبه |
دنده |
|
۱ |
عطاالله کریمی |
لیسانس |
نامزدپوهنیار |
آمردیپارتمنت |
|
۲ |
سیدعلی رضا مشفق |
لیسانس |
نامزدپوهنیار |
استاد |
|
۳ |
|
|
|
|
|
۴ |
|
|
|
|
۵. د فلسفې دیپارتمنت
د فلسفې دیپارتمنت د لوړو زده کړو وزارت د ۴۲۴۷/۳۳۲۵ شمېر حکم، د ۱۳۸۸/۱۲/۱ نېټې له مخې، د بامیان پوهنتون د ټولنیزو علومو پوهنځي په چوکاټ کې تأسیس شوی دی. دا دیپارتمنت اوسمهال څلور تنه کادري غړي لري چې د ماسټري تحصیلي اسناد لري او ټول د پوهنمل علمي رتبه لري.
تر دې دمه، یاد دیپارتمنت سلګونه د لیسانس کچې متخصصین ټولنې ته وړاندې کړي دي. د فلسفې دیپارتمنت کادري غړي ژمن دي چې د لوړو زده کړو د پراختیا ملي او نړیوال ستراتیژیک پروګرامونه تطبیق کړي، او خپلې علمي، تعلیمي او څېړنیزې چارې د محلي اړتیاوو او ځانګړتیاوو په پام کې نیولو سره هدفمند تنظیم کړي.
د دې دیپارتمنت علمي وده او تعلیمي پرمختګ د لوړو زده کړو د ملي پراختیا د ستراتیژیکو ارزښتونو، معیارونو او لومړیتوبونو پر بنسټ ارزول کېږي او رهبري کېږي.
|
د فلسفی دیپارتمنت د استادانو لړلیک د تحصیلي درجې، علمي رتبې او دندې په ویش سره |
||||
|
شمیره |
نوم او تخلص |
د تحصیل درجه |
علمی رتبه |
دنده |
|
۱ |
عبدالصمد حکمت |
ماستر |
پوهنمل |
آمردیپارتمنت |
|
۲ |
خلیل الله فرزام |
ماستر |
پوهنمل |
استاد |
|
۳ |
محمدضیا روشنگر |
ماستر |
پوهنمل |
استاد |
|
۴ |
محمدهادی باهنر |
ماستر |
پوهنمل |
استاد |
خلاصه
د بامیان پوهنتون د ټولنیزو علومو پوهنځی د هېواد د مهمو او کلیدي علمي مؤسسو څخه ګڼل کېږي، چې ژمن دی د افغانستان په لوړو زده کړو کې د تعلیمي، څېړنیزو او مسلکي اهدافو د پرمختګ لپاره کار وکړي. د دې پوهنځي اصلي ماموریت د تخصصي کادرونو روزنه ده، په مهمو ټولنیزو علومو برخو لکه تاریخ، لرغونپوهنه، سیاحت، ټولنپوهنه او فلسفه کې ظرفیت جوړول دي. پوهنځی د علمي مشرتابه او څېړنې د وده په ټینګار سره، ژمن دی چې علمي پروژې پراختیا او پلي کړي، ملي او نړیوالې همکارۍ رامنځته کړي او د علمي تجربو تبادله وکړي.
د یادو موخو د تحقق لپاره، پوهنځی مختلفې فعالیتونه پر مخ وړي؛ لکه تخصصي تدریس، د کال په تېرېدو محصلینو ته د کانکور له لارې د داخلې زمینه برابرول، عملي روزنې، د کیفیت تضمین، د اړتیاوو تحلیل او ارزونه، لوړ پوړو ادارو ته راپور ورکول، او منظم علمي پلانونه په هفتېني، میاشتنۍ، سمستر او کلنۍ بڼې ترتیبول.
د پوهنځي له بنسټیزو لومړیتوبونو څخه د متخصصو انساني سرچینو روزنه، د نوو علمي میتودونو او معلوماتو کارول، او د استادانو او محصلینو څېړنیزو وړتیاوو پیاوړتیا دي. په هر حال، پوهنځی له مهمو ننګونو سره مخ دی، چې په کې د لوړ تحصیلي کچې او لوړ رتبه لرونکو کادرونو کمښت، اړینو بنسټیزو تاسیساتو نشتون، د ملي او نړیوالو مؤسسو لخوا د ټولنیزو علومو د اهمیت نه پاملرنه، او په دې برخه کې د څېړنې کلتور نه بنسټېدل شامل دي.