د بامیان پوهنتون

د بامیان پوهنتون د رئیس پېغام

9 میاشتې ago

بسم الله الرحمن الرحیم

قدرمنو لوستونکو!

السلام علیکم ورحمت الله وبرکاته

بامیان پوهنتون د ۷ پوهنځیو، شاوخوا ۲۰۰ استادانو او د ۵۵۰۰ محصلانو په لرلو سره د هېواد په کچه یو له سترو پوهنتونونو څخه ګڼل کېږي. دغه پوهنتون د لومړي ځل لپاره په ۱۳۷۵ هجري شمسي کال کې د دوو پوهنځیو په لرلو سره تاسیس شو او تر یوې مودې فعالیت وروسته د کورنیو جګړو له کبله یې تر اوه کلونو ور وتړل شو. له نېکه مرغه یوځل بیا یې له اوه کلن ځنډ وروسته په ۱۳۸۲ ل کال کې د فعالیت لپاره ور پرانېستل شو او له هغه مهاله بیا تردې دمه یې د هېواد د ځوان کهول او نسل په روزنه کې ارزښتمن نقش لوبولی دی.

د بامیان پوهنتون رهبري ژمنه ده، ترڅو د خویندو او وروڼو لپاره د تحصیلي سطحې او  کیفیت لوړولو، د سالم او خوندي چاپېریال رامنځته کولو، کاري بازار او روان اقتصادي حالت ته په کتو د تحصیلي نصاب چمتو کولو او د ملي پروګرامونو او سالمو سیالیو رامنځته کولو په برخه کې د اسلام سپېڅلي دین اساساتو، د لوړو زده کړو وزارت قانون او د هېواد اساسي قانون له مخې رامنځته کړي.   

جنډر، ورزش او معاصرې ټکنالوژۍ ته لاسرسی هم د بامیان پوهنتون د رهبرۍ له لومړیتوبونو څخه ګڼل کېږي. زموږ ژمنه یوازې دا نه ده، چې ځوانان په مدرنو علمي معیارونو سره چمتو او ټولنې ته وړاندې کړو، بلکې ترڅنګ یې دا هم غواړو څو ځوانان مو د علمي موضوعاتو ، اخلاقي، کلتوري او تاریخي ارزښتونو په برخه کې د هېواد د چوپړ وړ وګرځي.    

،