په بامیان پوهنتون کې د "ژباړې تخنیکونه او ستراتیژۍ" ورکشاپ ترسره شو
نن یکشنبه د ۱۴۴۶ هـ.ق کال د رمضان المبارک نهمه د مسلکي پراختیا آمریت له لوري د "ژباړې تخنیکونه او ستراتیژۍ" تر سرلیک لاندې ښوونیز ورکشاپ د دې آمریت په تالار کې ترسره شو.
په دې برنامه کې د بامیان پوهنتون عمومي رئیس الحاج مفتي حضرت محمد برهاني او یو شمېر استادانو ګډون کړی وو.
د یاد پوهنتون د علمي چارو مرستیال پوهندوی محمد عثمان څولیزي له څو تنو استادانو سره د ورکشاپ د ترېنرانو په توګه برخه اخیستې وه. دغه ورکشاپ چې د ژباړې مهارتونو د لوړولو په موخه جوړ شوی څلور ورځې به دوام وکړي.
بامیان پوهنتون
نشراتو عمومي مدیریت