بامیان پوهنتون کې د استادانو علمي کنفرانسونو دوام :
نن چهارشنبه ۱۴۴۶/۵/۱۱هـ ق کال په بامیان پوهنتون کې د دایکندي ، غور او بامیان پوهنتونونو استادانو د علمي رتبې د ارتقاء په خاطر علمي کنفرانسونه ورکړل.
یاد کنفرانسونه چې د مسلکي پراختیا آمریت په مرسته د همدې آمریت د کنفرانسونو په تالار کې ترسره شول د پوهنتون د علمي کادر غړو ، استادانو ، محصلینو او ژوري هیئت پکې ګډون کړی وو .
په پیل کې د بامیان پوهنتون د علمي چارو مرستیال پوهنمل محمدعثمان څولیزي راغلو میلمنو ته د ښه راغلاست ترڅنګ د دا ډول کنفرانسونو په جوړېدو خوښي څرګنده کړه او یو مهم اقدام یې وباله . ښاغلي څولیزي د یاد پروګرام د مسؤلینو له هڅو او کوښښونو مننه وکړه .
ددغه کنفرانس په جریان کې استادانو خپلې علمي او څېړنیزې مقالې د ژوري هیئت او د کنفرانس ګډونوالو په حضور کې وړاندې کړې .
دغه راز ګډونوالو د موضوع ګانو په اړه پوښتنې او نظرونه شریک کړل چې استادانو د خپلې موضوع اړوند جوابونه ورکړل .
په پای کې د بامیان پوهنتون د علمي چارو مرستیال پوهنمل محمدعثمان څولیزي یاد کنفرانس مثبت و ارزاوو او په دعایې کلام سره پای ته ورسېده.
بامیان پوهنتون
نشراتو عمومي مدیریت