په بامیان پوهنتون کې د شرعیاتو پوهنځي مشورتي بورډ ناسته!
یکشنبه – ۱۴۴۷/۱/۱۷هـ ق
د بامیان پوهنتون د شرعیاتو پوهنځي مشورتي بورډ ناسته د پوهنتون د مرستیالانو، د پوهنځي رئیس او استادانو په ګډون د پوهنځي د غونډو په تالار کې ترسره شوه.
په دغه ناسته کې د پوهنځي د بېلابېلو کمېټو د کړنو راپورونه وړاندې شول او د علمي فعالیتونو د لا زیاتې همغږۍ پر اړتیا ټینګار وشو.
همداراز د استادانو د تدریسي تګلارې د تنظیم او پلي کېدو، او د علمي او تحقیقي سیمینارونو د جوړولو لپاره د پلان جوړونې په اړه بحث او نظرونه تبادله شول.
د غونډې یو بل مهم بحث د پوهنتون د عمومي کتابتون او د شرعیاتو پوهنځي د ځانګړي کتابتون د کتابونو کتنه وه، چې په ترڅ کې یې علمي اړتیاوې او نوې سرچینې وارزول شوې.
یاده ناسته د وړاندیزونو په راټولولو او د علمي او ښوونیزو برنامو د کیفیت د لا ښه والي پر ټینګار سره پای ته ورسېده.
بامیان پوهنتون
نشراتو عمومي مدیریت