د بامیان پوهنتون د علمي چارو مرستیال له خپلو آمرینو او کارکوونکو سره غونډه وکړه!
نن سه شنبه د ۱۴۴۶ هـ ق کال د ذي الحجې میاشتې ۲۱مه نېټه د بامیان پوهنتون د علمي چارو مرستیال پوهنوال دوکتور احسانالحق نیازي نن له غرمې وروسته د علمي چارو مرستیالۍ دفتر په تالار کې له خپلو آمرینو او کارکوونکو سره ناسته درلوده.
په دې غونډه کې د رغنده وړاندیزونو، روانو ستونزو او نورو اړوندو موضوعاتو په اړه بحث او نظرونه شریک شول.
د غونډې اساسي هدف د کار د بهیر ښه کول د اداري همغږۍ لوړول او د کارکوونکو ستونزو ته رسیده ګي وه.
دوکتور نیازي د کارکوونکو د همکارۍ او هڅو ستاینه وکړه او پر شفافیت، مسئولیت مننې او د کاري روحیې د پیاوړتیا ټینګار یې وکړ.
غونډه د څرګندونو په لنډیز او د مطرح شویو موضوعاتو د تعقیب کولو په وعدې سره پای ته ورسیده.
بامیان پوهنتون
نشراتو عمومي مدیریت
